Revista muzeologjike “Dritëhije” është një botim i përvitshëm i Muzeut Kombëtar të Përgjimeve “Shtëpia me Gjethe” që ka si qëllim të nxisë njohjen dhe studimin e periudhës së komunizmit shqiptar duke publikuar dhe shpërndarë fakte mbi regjimin diktatorial.
Në përmbushje të misionit të tij, Muzeu Kombëtar i Përgjimeve “Shtëpia me Gjethe” hap thirrjen për studiues, historianë, muzeologë, ekspertë të fushës së trashëgimisë kulturore, studiues të periudhës së socializmit etj., për shkrimin e artikujve për numrin e tretë të revistës muzeologjike “Dritëhije”.
Artikujt rekomandohet të përfshijnë një nga tematikat e mëposhtme:
-Dosjet e Ish-Sigurimit të Shtetit, informacioni, problemet që lidhen me to.
-Kontrolli, përndjekja dhe persekutimet gjatë regjimit komunist.
-Probleme të muzeologjisë postkomuniste.
-Trashëgimia kulturore komuniste.
-Muze të memories, vende të kujtesës.
Kriteret për pjesëmarrje:
-Artikulli duhet të dërgohet në formë elektronike në adresën zyrtare: info.gjethi@muzeugjethi.gov.al
-Aplikantët duhet t’i bashkëlidhin artikullit një bio të shkurtër në shqip si dhe një abstrakt në shqip dhe anglisht.
-Afati i dorëzimit të abstrakteve do të jetë deri më 10 korrik 2021.
-Afati i dorëzimit të artikujve do të jetë deri më 10 shtator 2021.
Punimet duhet t’i përmbahen standardeve teknike të të shkruarit akademik dhe të vendosjes së burimeve.
Kriteret e shkrimit:
-Materiali duhet të jetë 8 – 15 faqe A4.
-Shkrimi: Times New Roman
-Madhësia e karaktereve: 12
-Hapësira ndërmjet rreshtave: 1.5
Artikujt e dorëzuar për botim, pas vlerësimit pozitiv dhe miratimit nga një bord editorial i ngritur në kuadër të thirrjes, do të përfshihen për botim në numrin e tretë së revistës: “Dritëhije”.